सुचालक कि कुचालक?

परिपथ परीक्षक भनेको बीचमा खाली ठाउँ भएको सेल, बल्ब र तार हो। खाली ठाउँमा पदार्थ राख्दा विद्युत् प्रवाह त्यसबाट बग्न सके मात्र बल्ब बल्छ। विद्युत् प्रवाह हुन दिने पदार्थ सुचालक हुन्: सबै धातु, ग्राफाइट (पेन्सिलको सिसा) र नुनपानी। प्रवाह हुन नदिने कुचालक हुन्: प्लास्टिक, रबर, सिसा, सुक्खा काठ, कागज र कपडा। विद्युत् प्रवाह बोक्न तार तामाले बनाइन्छ र नचाहिने ठाउँमा प्रवाह हुन नदिन प्लास्टिकले छोपिन्छ।